الثلاثاء , أغسطس 20 2019
الرئيسية / إرهاب / القصة 19- هكذا قتلوا الناس لابسط سبب

القصة 19- هكذا قتلوا الناس لابسط سبب

 

وهي القصة فيها من الالم الشيئ الكثير القصة صارت عنا بالطبقة بسنة 2016 بتبدء بخلاف صغير بين اخين الأخين هدول في بيناتهم مدخل او قطعة من بيتهم كل واحد بيقول انها الو قام الاخ الاصغر وكان عمرو ما يقارب 45سنة راح اشتكا ع اخو عندهم وتاني يوم اجو اخذو الاخ الكبير وسجنو، الاخ الكبير كان عمرو شي 60 ل 65 سنة وبعد يومين اخذوه عالمحاكمة ولما دخل عند القاضي لقى اخوه موجود وبلحظة غضب كفر بدينو وبسرعة قيده القاضي وترك القضية وكفر الرجل وطالعو برا ورجعو عالسجن وحكم بقصاصو هون الاخ الاصغر صعق وما عاد يعرف كيف بدو يتراجع قاللهم انا متنازل عن الشكوة بس خلاص ما عاد ينفع قالولو هو سب الدين يعني ارتد عن دين الاسلام وطلبو منو يخبر اهلو يجو يودعو، طلع الاخ الاصغر وهو مو بالدنيا انا شو عملت رح يذبحو اخوي بسببي راح صار يدور على حل قالولو ازا بتلاقي اربع امراء وقضاة من داعش يزكو ممكن يعفو عنو راح وصار يدور ويترجا الناس تساعدو والله كل حارتو حكت عنو احسن حكي ومن بين الناس الي شهدو انو انسان صادق ومتدين شخص خريج شريعة ومعو ماجستير قال انو هو بيتو قريب ع الجامع كان كل يوم خميس ياخد ولادو وبناتو ينظفو الجامع وما بيفوت فرض لكن كل هالحكي ما شفعلو عندهم وهوا الاخ عم يدور واسطات ويحاول يلاقي مخرج من هالورطة وقال انو مستعد يدفع كل شي عندو بس يتركو لكن للاسف بعد اربع ايام اجا بيك اب ع الحارة شايل من ورا جسم شخص مقطوع الرأس ومحطوط الرأس عالصدر وكل اهل الحارة انصعقوا بالمنظر والمفاجئة كيف ومشان شو راح متل هيك انسان معقول دينّا بيقبل بهالوحشية مستحيل ولسى ما خلصت القصة، بهاليوم فينا نتخيل شو صار بالاخ الاصغر اكيد صعب كان وضعو كتير كتير مؤلم عاش بعد اخو حوالي تلت اربع شهور بس كان عايش ومو عايش صار اشبه بالشمعة كل يوم عم يذوب لحد ما انطفى فجئة وقع ومات وكل الي حوليه قالو انو مات بحسرتو واحساس الذنب الي ما فارقو. رجال اثنين ماتوا وتركوا وراهم عيل وولاد بسبب زلت لسان معقول هيك الاسلام ابداً الاسلام دين الرحمة دين المحبة والسلام ربنا جل في سماه قال لنبينا محمد امام الرحمة لو كنت فظ غليظ القلب لنفضوا من حولك. مستحيل دينا بيقبل بهالوحشية مستحيل

 

المصدر: مركز الطبقة للمجتمع المدني- سيدة سوريا

شاهد أيضاً

فرنسا تنجو من “هجوم إرهابي كبير”.. واعتقال متورطين

أعلنت النيابة العامة في باريس الاثنين توقيف “عدة أشخاص” بشبهة التورط في خطة هجوم ضدّ …